Чистка во Битола: Пелистер се раздели со осум фудбалери!

29 јуни 2025 - 13:27

Екипата на Пелистер и во наредната сезона ќе игра во Првата лига откако во изминатата заврши на шестата позиција, но клубот ќе има прилично изменет состав.

Денеска клубот објави дека се разделува со дури осум фудбалери на кои им завршија договорите. Така дел од клубот повеќе не се: Дејан Ѓуриќ, Захар Тарасенко, Фернардо Брито Карваљо, Масааки Такахара, Бојан Спиркоски, Виктор Серафимовски, Даниел Карчески и Стефан Костов.

Претходно Пелистер направи промени и во раководството каде што пристигнаа нови лица, а сменет беше и тренерот Срѓан Захриевски и на негово место дојде Димитар Капинковски.