Братучедот на Елмас ново засилување за Македонија Ѓорче Петров

Екипата на Македонија Ѓорче Петров потврди ново засилување во своите редови и тоа Мухамед Елмас.

Младиот фудбалер кој е братучед на Елиф Елмас има 19 години и важи за некој кој може да има одлична кариера.

Во редовите на Македонија Ѓорче Петров пристигнува од Гостивар како слободен агент. Низ кариерата Елмас ги помина сите младински категории и сега е член на селекцијата до 19 години.

Тој е трето засилување за „лавовите“ откако претходно пристигнаа Дарко Глишиќ и Мартин Талаков.