Босанец ја засили одбраната на Работнички

19 јуни 2025 - 21:24

Македонскиот прволигаш Работнички денеска промовира уште едно засилување за следната сезона, а тоа е 26-годишниот центарален дефанзивец Амир Велиќ.

Велиќ потпиша двегодишен договор со екипата од Дебар Маало и доаѓа од Босна и Херцеговина, каде што претходно го носеше дресот на Горажде, Орашје и Игман Коњиц.

Работнички продолжува со засилувањата во пресрет на дуелите против Торпедо од Белорусија во квалификациите за Конференциската лига.

Фото: ФК Работнички