Стартуваше продажбата на билети за мечот меѓу Вардар и Црвена звезда

Гостувањата на Црвена звезда кај Вардар во времето на Југославија буделе огромен интерес во Македонија. Престојниот меч нема натпреварувачки карактер, но белградскиот ривал секогаш е мамка за публиката. Се очекува така да биде и сега.

Дополнително, мотив за навивачите да го исполнат стадионот треба да биде фактот дека овој натпревар има хуманитарен карактер. Парите собрани од продажбата на влезниците ќе бидат донирани за настраданите од катастрофалниот пожар во Кочани кој веќе одзеде 60 жртви.

До почетокот на мечот има уште помалку од две седмици, а билетите се пуштени во продажба. Цените за северната и јужната трибина се по 200 денари, за исток и запад по 100 денари.

Продажбата се одвива онлајн на овој ЛИНК.