Среќа во несреќа: Адеми има само истегнување на лигаментите!
Адеми вчера направил магнетна резонанца, откако рендгенот во Скопје покажал дека нема некакви скршеници, а од последните прегледи било констатирано силно истегнување на лигаментите, поради што зглобот е сериозно отечен. Поради ова сега лекарскиот тим и физиотерапевтите на Динамо ќе имаат полни раце работа за да го оспособат Адеми за мечот со Шахтер во Харков во Лигата на шампионите следната недела.
„Зглобот на Адеми е многу отечен, полн е со едеми, па сега лекарскиот тим ќе се обиде да ги оспособи. Како стојат работите многу неизвесно е дали ќе успеат, но ќе се обидат со засилени терапии во следните денови да ги подготват прво за тренинг, а потоа за евентуалниот меч“, пишуваат хрватските медиуми.
Лекарскиот тим се надева дека ќе успее да ги оспособи, иако се свесни дека шансите за такво нешто се помали и дека со терапии двапати дбневно ќе направат чудо. Покрај Адеми, иста повреда има и Бруно Петковиќ, хрватскиот репрезентативец, а прва цел на лекарскиот тим е до сабота да ги оспособат прво за тренинг, а потоа за многу важниот меч.
Адеми се повреди пред крајот на мечот во Скопје помеѓу Македонија и Словенија (2-1).