Навивачите на Партизан ги нападнаа своите фудбалери, тренерот Станојевиќ повреден (ФОТО)

23 септември 2024 - 21:28

Навивачите на Партизан многу тешко го поднесоа најтешкиот пораз од Црвена Звезда на домашен терен и предизвикаа скандал по завршувањето на 174. „вечно“ дерби.

Веднаш по завршувањето на натпреварот, дел од најжестоките фанови влетале во соблекувалната и ги нападнале фудбалерите и стручниот штаб на Партизан. Такво нешто можеше да се почуствува додека противничкиот тренер Милојевиќ даваше изјава за телевизија бидејќи одеднаш го прекина своето излагање и истрча кон својата екипа.

Информациите од Белград велат дека во соблекувалната има скршени стакла, повредени се неколку фудбалери на Партизан, а најлошо поминал тренерот Александар Станојевиќ кој има фластер над окото и преку носот. На прес-конференцијата по мечот тој рече дека повредите се од скршено стакло во соблекувалната, но очевидци тврдат дека во негова близина бил фрлен топовски удар.

Навивачите на Партизан во текот на мечот бараа оставка од Станојевиќ, лути на катастрофалната игра и резултатот.