Седлоски му честиташе на Велкоски за титулата во БиХ!
Сараевчани синоќа победија со 3-0 на гостувањето во Широки и веќе имаат 11 бода повеќе во однос на актуелниот првак Зрињски, а дури 20 бода повеќе од градскиот ривал Железничар и четвртопласираниот Широки. После убедливата победа на „бордо“ тимот, Седлоски јавно ја честиташе титулата.
„Му честитам на Сарајево за победата и веќе освоената титула. Јас и пред мечот реков дека веќе се шампиони, ама сега тоа се потврува. Ова за нас е голема шлаканица. Ние не игравме во второто полувреме, а Сарајево е тим кој не простува. Одиме по потешкиот пат, но што е тука е. Не знам што беше со играчите, ама мора да се разбудиме“, изјавил Седлоски.
Велкоски е капитен на Сарајево и еден од најдобрите фудбалери на овој тим, па сезонава игра во одлична форма и со тоа повторно си заслужи повик во националниот тим после една ипол година пауза. Велкоски се очекува да биде на списокот за националниот тим и за претстојниот старт на евроквалификациите.