Несторовски му „помогна“ на Хајдук, Динамо понижен во Пула! (ВИДЕО)

05 април 2025 - 20:38

Динамо Загреб доживеа дебакл во Пула на мечот против Истра (0-3), додека Хајдук славеше со 1-0 против Славен Белупо, со што екипата од Сплит ја зголеми предноста на осум бодови пред вечниот ривал.

Лончар беше стрелец во 21. и 53. минута против Динамо, додека победата за Истра ја потврди Лавал во 68. минута. Гигантот од Загреб имаше свои шанси, но ова беше далеку од добрите изданија на поранешниот шампион.

Македонскиот интернационалец Аријан Адеми го одигра првото полувреме против Истра, додека Стефан Ристовски остана на клупата за резерви.

Хајдук до победата против Славен Белупо стигна со еден гол на Ливаја од пенал во 46. минута, откако ВАР-технологијата потврди дека македонскиот напаѓач Илија Несторовски играл со рака во казнениот простор.

Хајдук е лидер во шампионатот со 54 бодови по 28 одиграни кола, по што следи Риека со 50 поени и Динамо со 46 бодови.