Легендарен Хрват е нов кандидат за тренер на Миовски

07 октомври 2025 - 15:10

Изминатите денови, Стивен Џерард се споменуваше како можен кандидат за нов тренер на Ренџерс кој се раздели со Расел Мартин по очајниот старт на сезоната, а сега е појави и нов кандидат

Ренџерс во првите седум кола има само една победа и тоа е катастрофален учинок за еден таков гигант, не се памети кога последен пат имале толку слаб старт.
Доказ за лошата форма беше и дебаклот во двомечот со Клуб Бриж кој го загубија со вкупни 9-1.

Очекувано, цената на таквите резултати ја плати, тренерот Мартин и клубот во текот на репрезентативната пауза ќе назначи негов наследник.

По Џерард кој се споменуваше како главен фаворит, сега како опција се споменува и Славен Билиќ. Легендарниот Хрват исто така е без ангажман, а неодамна се поврзуваше со враќање во Вест хем, но сепак тие најави не се остварија.

Фото: Rangers FC