Американците забегаа: Цените на билетите за СП 2026 се апсурдни – двојно поскапи од Катар!

Според пресметките на англиското навивачко здружение, еден фудбалски вљубеник кој ќе го следи секој натпревар на Англија до финалето, дури и со најевтините билети, ќе потроши најмалку 3.200 долари. Ова дури и не е сигурно бидејќи ФИФА воведува таканаречено променливо формирање на цените за турнирот кој ќе се одржи во САД, Канада и Мексико, што значи дека цените може да се зголемуваат или намалуваат според побарувачката.

„Најевтиниот билет по цена од 2.000 долари за финалето е неприфатливо! Ако навивачите купат билети од првата до последната фаза, трошоците ќе изнесуваат околу 3.200 долари – двојно повеќе од Светското првенство во Катар 2022. Заедно со патувањето и сместувањето, ова ќе биде најскапото Светско првенство за навивачите“, изјави Томас Конканан од здружението на англиските навивачи

Тој ги повика федерациите и ФИФА да обезбедат места во секциите каде навивачите ќе можат да ја поддржуваат својата репрезентација на најдобар можен начин. Дополнително, ФИФА реши да наплаќа 15-отстотна провизија за билетите продадени преку официјалната платформа за препродажба, кад еѓто некои билети веќе достигнуваат десетици илјади долари.

Во своето соопштение, ФИФА се обиде да се одбрани.

„Продажбата на билети е во тек. Моделот на цени го одразува пазарното однесување на нашите соорганизатори и на големи спортски и забавни настани, вклучувајќи го фудбалот. Се фокусираме на праведен пристап за сегашните и идните навивачи, а билетите за групната фаза ќе чинат 60 долари – многу конкурентна цена за големо спортско светско натпреварување во САД“, велат од светската Куќа на фудбалот.