Хаос во Австрија: Маскирани хулигани сакале да претепаат хрватски навивачи!

07 февруари 2026 - 13:29

Кошаркарите на Виена и Задар вчера играа натпревар во АБА лигата, а дуелот заврши со победа на хрватската екипа од 86-77, но по овој дуел можел да се случи вистински хаос.

Австриските медиуми објавија дека помеѓу 50 и 60 маскирани хулигани со многу бејзбол палки и шипки планирале брутален напад врз хрватските навивачи по средбата која се играше вчера вечер.

Инцидентот се случил на автопатот А2 во близина на Траискирчена, а брзата интервенција на полицијата спречила поголем инцидент. Околу 21:00 часот повеќе возачи пријавиле навоеден судар, но полицијата подоцна потврдила дека станувало збор за лажна дојава.

Набрзо потоа застанале 15 до 20 автомобили паралелно на истата локција и од нив излегле повеќе лица кои се обиделе да дојдат до автобусот со хрватски навивачи. Полицијата спречила да дојде до судир. Според информации од нив биле одземени над 40 палки и шипки, но и други видови предмети.

Информациите засега се дека станувало збор за српски навивачи и припаднци на ултрасите на Црвена Звезда, „Делии“.