Фабио Канаваро и официјално го потпиша договорот со Динамо Загреб (ВИДЕО)

02 јануари 2025 - 20:42

Иако пред неколку дена Динамо Загреб овјави дека Фабио Канаваро ќе биде новиот тренер на првиот тим, италијанскиот стратег денеска и официјално го потпиша договорот со хрватскиот шампион.

Канаваро од денеска е во Загреб и почнува со новиот предизвик.

„Италијанскиот стратег Фабио Канаваро, поранешниот прославен италијански репрезентативец, европски шампион, а потоа и светски шампион, освојувач на Златната топка, во тренерската улога ќе го внесе Динамо во новата година“, стои во денешната објава на Динамо Загреб.