Сензација на Вимблдон: Елиминирана актуелната освојувачка на трофејот!

02 јули 2024 - 16:15

Актуелната освојувачка на Вимблдон, Маркета Вондрушова беше елиминирана уште во првото коло на турнирот во Лондон, откако во два сета загуби од Џесика Боузас Манеиро со 4-6 и 2-6.

Вондрушова игра ужасно оваа година, а посебно лоша беше денеска против Манеиро, откако 25-годишната тенисерка од Чешка се соочи со проблеми на стартот на мечот.

Овој пораз ќе значи и испаѓање од топ-10 за Вондрушова, додека за Манеиро е најголема победа во кариерата и ќе се обиде да го продолжи својот поход кон добри резултати на Вимблдон.