Сабаленка се огласи по тврдењата дека ја навредувала Свитолина (ВИДЕО)
Свитолина ја совлада Сабаленка со 2-1 во сетови (6-3, 3-6, 6-1) и обезбеди пласман во полуфиналето, но резултатот набрзо падна во втор план поради случувањата во третиот сет.
Профилот „Ukrainian Tennis BTU“, посветен на украинскиот тенис, објави видео на кое се гледа како видно изнервираната Сабаленка нешто изговара на руски јазик. Снимката предизвика бројни реакции, по што втората тенисерка во светот се огласи преку Инстаграм.
Сабаленка реши да ја објасни ситуацијата и да се извини, нагласувајќи дека нејзините зборови не биле упатени кон противничката.
„Сакам да разјаснам нешто во врска со мојот неодамнешен меч, за што почна да се зборува на интернет“, напиша Белорусинката.
Потоа откри и што ја предизвикало нејзината реакција.
„Моите зборови не беа упатени кон Елина. Ме изнервира помала група гледачи кои агресивно ги прославуваа моите грешки и во тој момент реагирав емотивно“, објасни Сабаленка.
🤬“Those f***ing Ukrainians, for f***’s sake!” Or was it “That f***ing Ukrainian b***h, for f***’s sake!”? These are the words 🏳️ Aryna Sabalenka appears to be saying in Russian, judging by her lip movements during her WTA Finals match against 🇺🇦 Elina Svitolina. What a remarkable display of respect and sportsmanship from the world No. 2. But sure, let's keep asking Ukrainian players why they refuse to shake hands with their Russian and Belarusian opponents. Apparently, that's still the bigger problem in tennis.
— Ukrainian Tennis • BTU (@ukrtennis_eng) November 14, 2026