Руско чудо од дете: Андреева има 17 години и го освои првиот ВТА-трофеј

27 јули 2024 - 10:30

Мира Андреева на само 17-годишна возраст ја освои својата прва ВТА-титула, откако славеше против Елина Аванесјан во финалето на турнирот во Романија.

Андреева го загуби првиот сет со 5-7, но со иста мера возврати во следниот и израмни на 1-1 во сетови. Аванесјан се повреди во третиот сет, а Мира веќе поведе со 4-0, по што повозрасната тенисерка го предаде мечот.

Андреева стана сензација уште во 2023 година, кога играше во полуфинале на Ролан Гарос.