Пред фактите и боговите молчат: Синер издоминира во 2024 година!

Италијанскиот тенисер во финалето на Завршниот мастерс во Торино го победи Тејлор Фриц со 2-0 во сетови и така ја комплетираше одличната 2024 година во која му остана да го одигра само Дејвис Купот.

Синер во 2024 година освои вкупно осум титули од кои две на грен-слемовите и вкупниот скор во сетови му 70-6. Убедливо го држи првото место и на светот и за класа играше подобро од останатите сезонава. Изгуби само од Алкараз, Медведев, Циципас, Рубљов и Оже-Алијасим на кого му го предаде мечот.

Синер заедно со Федерер и Ѓоковиќ стана единствениот тенисер кој во иста сезона триумфирал на Австралија Опен, Ју-Ес Опен и Завршниот мастарс. Исто така Синер стана и првиот тенисер кој го освоил финалниот турнир роден по 2000 година.

Стана и првиот Италијанец со титула на Завршниот турнир. Ако некој се сомневаше од оваа сезона нема потреба, Јаник дефинитивно сега е тој кој е најтешко да се победи.
Првото место на АТП листата на Синер му е обезбедено најмалку до февруари.