Јакимовски најдобар на теренот во новиот триумф на Колорадо

17 ноември 2024 - 22:24

Maкедонскиот кошаркар Андреј Јакимовски продолжува со добрите настапи во НЦАА лигата во тимот на Колорадо бафалос.

Вечерва Колорадо се соочи со Универзитетот Харвард и славеше убедлива победа од 88-66. 

Јакимовски беше најдобар поединец во својот тим и го заврши натпреварот со 20 поени за 27 минути поминати на паркетот, додаде уште пет скока, една асистенција и една украдена топка.

Посебно одличен македонскиот кошаркар беше во првото полувреме кога постигна 15 поени.