Компанијата во која Федерер вложи во 2019 година сега има приход од 2.4 милијарди евра

06 март 2025 - 07:20

Eден од најдобрите тенисери во историјата Рожер Федерер во својата кариера од турнрите заработи повеќе од 120 милиони евра, а дел од парите кон крајот на 2019 години ги инвестираше во компанијата „Он Холдинг АГ“.

Станува збор за компанија која произведува спортска опрема и патики со седиште во Цирих и сега објави дека во 2024 година остварила приход од 2.42 милијарди евра.

Објавено е и дека во последните години акциите на компанијата пораснале за околу 41%.

Исто така очекувањата се растот на компанијата да продолжии и во првата половина од 2025 година. Инаку, компанијата е основана во 2010 година и најчесто се промовира преку познати личности.

Федерер долго време ја носеше нивната опрема, а во 2019 година се одлучи на дополнителна соработка и очигледно направи вистински потег.