Ѓоковиќ меѓу шесте „кралеви“ што ќе се борат за саудиските милиони

06 август 2025 - 17:20

Од 15 до 18 октомври во Ријад ќе се одржи егзибицискиот турнир „Шест кралеви“ на кои ќе учествуваат шесте најголеми тениски ѕвезди во моментов.

Меѓу нив и Новак Ѓоковиќ иако српскиот ас можеби дотогаш нема да се наоѓа на шестото место на АТП листата на кое е во моментов. Покрај него, ќе ииграат уште Јаник Синер, Карлос Алкараз, Џек Дрејпер, Тејлор Фриц и Александер Зверев.

Титулата од лани ќе ја брани Синер кој тогаш во финалето го победи Алкараз. Победникот заработува шест милиони долари нето, а за самото учество, секој тенисер ќе добие уште 1,5 милион. Лани учествуваше и Рафаел Надал кому тој настап му беше меѓу последните во кариерата.