Ѓоковиќ кажа зошто олимпиското злато му е најголем успех во кариерата

12 септември 2024 - 22:51

Најдобриот српски тенисер Новак Ѓоковиќ немаше добар настап на УС-опен, но не е премногу загрижен затоа што претходно си го исполни сонот и го освои златниот медал на Олимписките игри во Париз.

Ѓоковиќ во разговор со српските новинари откри зошто златниот медал во Париз му е најголем успех во кариерата.

„Постојат повеќе причини, а првата е тоа што ја претставував Србија, а потоа и затоа што е најважен спортски настан кој се одржува секои четири години. Исто така, друга причина е тоа што бев повреден и се оперирав два месеци претходно, а потоа во финале победив ривал кој ме совлада на Вимблдон“, кажа Ѓоковиќ.