Пресврт во Барселона: Араухо не само што не си оди, туку ќе потпише нов договор

15 јануари 2025 - 11:45

До вчера сите шпански и италијански медиуми тврдеа дека Роналд Араухо ќе ја напушти Барселона во јануарскиот преоден рок и ќе се пресели во Јувентус.

Денеска ситуацијата е дијаметрално спротивна откако Мундо депортиво објави дека Барселона и Араухо конечно нашле заеднички јазик и ќе ја продолжат соработката. Според весникот, уругвајскиот репрезентативец не само што нема да си замине од Барселона, туку ќе го продолжи актуелниот договор кој беше со важност до 2026 година.

Јувентус беше подготвен за неговиот трансфер да плати 50 милиони евра, но ќе мора да бара ново решение во одбраната.