Ѓоковиќ го дозна противникот на Индијан Велс - никогаш досега не играл против него!

Српскиот ас беше слободен во првото коло, додека Мајхшак до дуел со Ѓоковиќ стигна по победата над Французинот Џовани Мпеши Перикар со 2-1 во сетови (6-3, 1-6, 7-5).

Полскиот тенисер во првиот сет искористи една од ретките можности за брејк, му го одзеде сервисот на Перикар и потоа сигурно го приведе сетот до крај за водство од 1-0. Вториот сет донесе сосема поинаква слика на теренот. Мајхшак значително падна во играта, што Французинот го искористи за брзо да израмни и да избори решавачки сет.

Во третиот дел од мечот Перикар прв стигна до брејк и поведе со 4-3, но потоа следуваше голем пресврт. Французинот во наредните пет гема загуби дури четири, вклучително и два на свој сервис, па Мајхшак стигна до победата.

За 57. тенисер на АТП листата ова ќе биде прв меѓусебен дуел со Ѓоковиќ и тој на програмата е в сабота.