Фриц го елиминира Зверев и обезбеди полуфинале на турнирот „Шест кралеви“

15 октомври 2025 - 19:57

Тејлор Фриц беше одличен против Александер Зверев и славеше со 2-0 во сетови, односно 6-3 и 6-4 за пласман во полуфинале на турнирот „Шест кралеви“, кој се игра во Саудиска Арабија и има награден фонд од неверојатни 13,5 милиони долари.

Фриц го реши првиот сет со брејк во вториот гем (2-0), по кој Зверев не успеа да возврати, иако имаше три брејк-топки во седмиот гем, по што Американецот го освои сетот со 6-3.

Идентично беше и во вториот сет од натпреварот, кога Фриц направи брејк уште во третиот гем (2-1), по што сервираше без проблеми за славје од 6-4.

Фриц во полуфинале ќе се соочи против првиот тенисер на АТП-листата, Карлос Алкараз.

Фото: EPA