Една од најдобрите светски тенисерки откри зошто се откажала од Путин и Русија!

Таа во моментов е 12-та на светската ранг-листа и ја изненади тениската јавност кога објави дека ја менува државната припадност.

„Денеска ранг-листите се ажурираа, а ова е мојот прв официјален ден како австралиска тенисерка. Искрено, чувството е поинакво, многу емотивно“, изјави Касаткина на турнирот во Чарлстон.

Тенисерката минатата недела преку социјалните мрежи го потврди своето преминување во Австралија, а сега детално ги објасни причините за оваа одлука. Како што истакна, клучен фактор биле репресиите врз хомосексуалната (ЛГБТ) заедницата во Русија.

„Со сè што се случува во мојата поранешна земја, немав многу избор. Како отворено геј личност, ако сакав да останам доследна на себе, мораше да го направам овој чекор,“ изјави Касаткина.

Таа откри дека Австралија ѝ понудила постојан престој, што таа со задоволство го прифатила.

„Австралија е местото каде што се чувствувам слободна да бидам своја. Среќна сум што добив шанса да бидам дел од оваа прекрасна земја, која е позната по својата отвореност и прифаќање на различностите,“ заклучи тенисерката.