Алкараз ќе биде без тренер по финалето на Вимблдон

13 јули 2024 - 22:42

Шпанскиот тенисер Карлос Алкараз утре од 15 часот ќе ја брани титулата на Вимблдон, а потоа на извесен период ќе се раздели со својот тренер Хуан Карлос Фереро.

Веднаш по утрешниот меч, фокусот на Алкараз ќе биде насочен кон Олимписките игри во Париз каде тој и останатите шпански тенисери ќе бидат предводени од селекторот на репрезентацијата Давид Ферер. Фереро заминува на одмор и најверојатно ќе замине во француската престолнина во подоцнежната фаза од турнирот, ако Алкараз стигне дотаму.

Планирано е тој да се бори за златото во поединечна конкуренција, но и со Рафаел Надал во двојки.