Тежок пад на француски скијач во Вал д'Изер – го повреди зглобот и остана без два заба (ВИДЕО)

15 декември 2024 - 10:15

Францускиот скијач, Клеман Ноел, кој победи во два слалома оваа сезона, нема да учествува на денешната слаломска трка во Вал д'Изер, откако го повреди десниот зглоб на вчерашната пресметка во велеслалом.

Ноел во еден од свиоците изгуби контрола и заврши во заштитната ограда. Иако на прв поглед падот не изгледаше сериозен, скијачот претрпе значајни последици, вклучително и губење на два заба.

Тој успеа сам да се спушти до целната линија, но беше очигледно дека повредата на зглобот му предизвикува голема болка. Поради овие компликации, тој нема да настапи на денешниот слалом.