Ледецки продолжува да доминира во базените со нов убедлив светски рекорд!

06 ноември 2022 - 10:19

Само една недела откако го собори светскиот рекорд на 1.500 метри за неверојатни десет секунди, американската пливачка Кејти Ледецки уште еднаш потврди дека е во фантастична форма, откако постави најдобар резултат на сите времиња во трката на 800 метри слободно во мали базени.

Таа на митингот во Индијанаполис, кој е дел од Светскиот куп, патеката ја исплива за 7:57,42, што е за скоро две секунди подобро од досегашниот рекорд.

Досегашниот најдобар резултат беше во сопственост на Шпанката Миреја Белмонте, поставен во веќе далечната 2013 година.