Таен агент на КГБ стана олимписки шампион во Пјонгчанг
Дарја се најде во центарот на вниманието бидејќи порано работела во КГБ (безбедносна служба на Белорусија, која го задржала името од Советскиот сојуз). Затоа и под будно око се следеше нејзината трка во бијатлон, во штафетата на 4х6 километри на Зимските олимписки игри.
Домрачева, заедно со Надежда Скардоно, Џинара Алимбекава и Ирина Кријуко стигна до златниот медал. Така таа стигна до шестото одличје на Игрите, а многумина се шегуваат дека многу ѝ помага искуството кое го има вон патеката. Инаку, таа беше агент на КГБ до 2014 година.
Многу навивачите се шегуваат дека ѝ било лесно да победи, бидејќи во бијатлон најзначајно е трчањето, пукањето и самоконтролата, а тоа се карактеристика на еден добар агент. Како и да е, Дарја се прослави на ЗОИ, ѝ го донесе на својата земја златниот медал и се најде во центарот на вниманието на светската јавност.