Поранешен европски шампион загина на фронтот во Украина како - руски доброволец!

Потврда за неговата смрт пристигна од Комитетот за физичка култура и спорт на Санкт Петербург, а веста беше дополнително потврдена и од украинските одбранбени сили. Прославениот спортист загинал пред три дена, а деталите за точната локација и околностите околу неговото страдање сè уште не се официјално соопштени. Подемот на Гаглојев започна во 2007 година кога стана кадетски првак на Русија, за веќе следната 2008 година да го оствари најголемиот успех во кариерата освојувајќи ја престижната титула јуниорски шампион на Европа.

Одличните настапи продолжија и во 2009 година на Светското јуниорско првенство, каде што го освои четвртото место во вкупниот пласман, закитувајќи се со бронзен медал во дисциплината исфрлање. Истата година, на континенталниот шампионат за јуниори, тој додаде сребро и бронза. Својот квалитет го пренесе и во сениорската конкуренција, освојувајќи државни медали на првенствата на Русија за натпреварувачи до 24 години во текот на 2011 и 2012 година.