Мајами го победи Вашингтон во историскиот НФЛ спектакл во Мадрид! (ВИДЕО)

16 ноември 2025 - 18:58

Стадионот на Реал Мадрид, Бернабеу денеска беше домаќин на НФЛ натпревар, првпат во историјата на Шпанија, се сретнаа Мајами Делфинс и Вашингтон Командерс, публиката виде исклучително возбудлив натпревар кој беше решен во продолжение.

Мајами го доби мечот со 16-13 со филд гол во продолжение, откако во регуларниот тек натпреварот заврши 13-13.

Мечот не изобилуваше со многу поени, но имаше многу возбудлива завршница.

На две минути пред крајот, при резултат 13-13 Мајами имаше четврти обид за гол, но наместо со филд гол, се решија да одат на тач даун и погрешија.

Вашингтон доби шанса да ја искористи нивната тактичка грешка, стигнаа до центарот од игралиштето и се обидоа да победат до филд гол, но за малку промашија па мечот отиде во продолженија.

Во нив Мајами погоди филд гол и го доби мечот со 16-13.