Момците на Струмица и девојките на Јанта Волеј се шампион(к)и во младинска конкуренција

04 мај 2025 - 19:06

Одбојкарите на Струмица триумфираа со 3-0 против Борец (25-16, 25-17 и 25-15) за шампионската титула во младинска конкуренција, додека девојките на Јанта Волеј беа подобри од Наковски Волеј со 3-2 во сетови (22-25, 22-25, 25-20, 26-24 и 15-8).

Борец немаше доволно квалитет да се носи со одличната Струмица, која доминираше во сите три сетови и славеше со 25-16, 25-17 и 25-15.

Во борбата за трето место Весна Пробиштип го надигра Работнички со 3-0 во сетови.

Младинките на Јанта Волеј станаа шампионки во женска младинска конкуренција откако по голема драма го надиграа Наковски Волеј со пресврт. Првите два сета му припаднаа на Наковски Волеј со 25-22 и 25-22, по што Јанта Волеј славеше со 25-20, 26-24 и 15-8.

Бронзениот медал му припадна на Работнички Скопје, кој славеше со 3-2 против Газели Волеј.

Фото: Одбојкарска федерација на Македонија