Македонија домаќин на квалификациски турнир за одбојкарското Евро 2021
Наместо првично предвидениот циклус секој со секого дома и на гости, сега во јануари ќе се играат два квалификациски турнири, а вториот е во Македонија од 14 до 17 јануари. Првиот, пак е од 7 до 10 јануари во Данска.
Македонија е во група со Данска, Турција и Босна и Херцеговина, а на ЕП пласман обезбедуваат сите првопласирани во групите, како и петте најдобри втори селекции во квалификациите.
Македонија лани дебитираше на одбојкарските континентални шампионати во Љубљана и запиша две победи од петте мечеви во групната фаза.