„Подгответе камион полн со пари и ставете ги на моја сметка!“

01 јуни 2020 - 19:03

Светскиот шампион во тешка категорија Тајсон Фјури планира да го потпише најголемиот договор во историјата.

На него му завршува актуелниот договор со компанијата „Топ Ранк“, кој вреди 80 милиони фунти, а по следните две борби, Фјури сака уште поголем договор.

„Сакам да го продолжам договорот, а не да го одработам и да заминам. Подгответе ми камион полн пари и ставете го на моја сметка. Сакам нов договор за да го урнам рекордот. Знам дека мојот договор може да биде поголем од тој на Мејведер“, кажа Фјури.