Хрватски боксер брутално нокаутиран во првата рунда од – полскиот Тајсон (ВИДЕО)

22 јуни 2025 - 08:57

Хрватскиот боксер во тешка категорија, Марко Милун (28), го претрпе првиот пораз во професионалната кариера, откако беше нокаутиран во првата рунда од осминафиналниот меч на турнирот „ВБЦ Гранд при“ во Ријад (Саудиска Арабија).

Тој беше совладан од се уште непоразениот Пјотр Лач (27), кој со овој триумф го подобри својот биланс на 14-0, оправдувајќи го прекарот „Полски Тајсон“. Милун го започна мечот охрабрувачки и по една минута силно го погоди противникот во телото, што доведе до нокдаун. Судијата започна со броење, а Лач успеа да се исправи и продолжи со борбата.

Но, 48 секунди пред крајот на првата рунда дојде до пресврт. Милун успешно блокираше еден удар со десната рака, но ја остави левата спуштена – што Полјакот умешно го искористи. Со силен лев кроше го погоди хрватскиот боксер и го испрати на подот.

Судијата веднаш ја прекина борбата, а Полјакот обезбеди пласман во четвртфиналето. Ова беше само втор професионален настап за Милун, кој во дебито забележа победа.

ФОТО: X / @MiszkinMaciej