Српските власти не дозволуваат да се одржи „Београдски маратон“!

Причина за ова е глобалната пандемија со коронавирусот, поради што организаторот не доби „зелено светло“ за нејзина реализација.

„По неколкумесечени сериозни организациски работи и подготовка на план и протокол адекватен на времето во кое се наоѓаме, очекувавме да добиеме позитивен одговор и бевме подготвени да дадеме сè од себе трката да мине беспрекорно. Затоа, разочарани сме од одлуката за забрана на маратонот и им се извинуваме на сите кои се надеваа дека ќе трчаат по улиците на Белград“, напишаа од организацискиот обор на „Београдски маратон“.

Затоа, пак, засега е сигурно одржувањето на „Скопскиот маратон“, кој треба да се одржи в недела.