Кипчоге урна светски рекорд на маратон во Берлин (ВИДЕО)

25 септември 2022 - 12:54

Кениецот Елиуд Кипчоге на маратонот во Берлин, Германија успеа да го урне сопствениот рекорд, откако истрча 42.195 метри за само два часа, една минута и девет секунди, односно за 30 секунди побрзо од претходниот рекорд.

Од самиот старт на трката беше јасно дека најдобриот маратонец во светот ќе има одлично време, а во завршницата беше очигледно дека ќе го урне рекордот, па публиката му даде голема поддршка.

Зад Кипчоге заврши Марк Корир со време од два часа, пет минути и 58 секунди, а третата позиција му припадна на Таду Абате со два часа, шест минути и 28 секунди.