Канадската штафета се закити со олимписката титула

09 август 2024 - 20:35

Машката 4х100 штафета на Канада го освои златниот медал на Олимписките игри откако во финалето истрча со време 37,50 секунди.

За Канаѓаните трчаа Арон Браун, Џероми Блејк, Брендон Родни и Андре де Грас, а зад нив завршија Јужна Африка со 37,57 и Велика британија 37,61.

Штафетата на САД ја нема во конечниот пласман бидејќи е дисквалификувана поради престап при првата измена. Американците завршија на седмото место, но тоа нема да им се смета во пласманот.