Дрита Ислами сезоната во сала ја почна со - македонски рекорд!

28 јануари 2023 - 18:09

Македонската атлетичарка Дрита Ислами ја почна сезоната во сала со државен рекорд на 400 метри во сала, откако го урна стариот рекорд кој исто така беше поставен од неа.

Ислами, по лошиот период исполнет со повреди, истрча 400 метри во сала за време од 55,95 секунди, па така го поправи претходниот рекорд кој беше 56,35 секунди.

„Овој резултат ми значи многу после една лоша сезона со доста повреди, ми ја врати самодовербата и ме мотивира да продолжам да срушам уште рекорди“, напиша Ислами.