Бивш светски шампион осуден за педофилија: Не знаев дека момчето има 13 години!

24 март 2023 - 12:16

Легендарниот француски ракометен голман Бруно Мартини, кој двапати беше светски шампион со Франција, е осуден за педофилија и доби условна казна.

Мартини го освои Светското првенство со Франција во 1995 и 2001 година, а работеше и како директор на ПСЖ, додека од 2021 до јануари 2023 беше претседател на француската ракометна лига.

Поранешниот голман е обвинет дека имал секс со малолетник и снимал детска порнографија, по што Мартини ја раскажа неговата страна на приказната.

„Почнав со коронавирусот. Можев да потонам во алкохол и дрога, но не го направив тоа. Избрав секс. Правев работи кои не се вообиачени за мене. Хетеросексуалец сум. Доколку сум педофил, ќе отворев профил на ‘Тик-Тик’. Момчето ме контактираше на ‘Снепчет’. Кога дознав дека тоа момче всушност има 13 години, бев шокиран. Ми беше срам“, вели Мартини.