Томовски блескаше за Лудвигсхафен, Кузмановски се врати на терен со два гола

21 февруари 2021 - 21:26

Двајца македонски ракометни репрезентативци денеска со своите тимови имаа натпревари во германската Бундеслига. 

Голманот Мартин Томовски беше брилијантен на голот на Лудвигсхафен, но неговиот тим загуби од Есен со 26-25. Нашиот репрезентативец собра дури 12 одбрани, но очигледно и тоа не беше доволно за поволен резултат.

Филип Кузмановски се врати во составот на Хановер откако го прележа коронавирусот. Бекот постигна два гола од два обиди против Нордхорн, а неговиот тим лесно славеше со 31-22.

Лудвигсхафен е во зоната за испаѓање на 18. позиција со осум освоени бода. Хановер се наоѓа на 13. позиција со 16 бодови.