Стојановиќ го објави списокот на повикани ракометари во подготовките за СП

30 април 2025 - 18:05

Селекторот на младинската машка ракометна репрезентација, Радослав Стојановиќ денеска го објави списокот на ракометари на кои ќе смета во двата подготовителни натпревари пред Светското првенство во Полска.

Младите ракометари ќе се соберат на 5 мај во хотел „Карпош“, а три дена подоцна ќе се соочат со екипата на Бутел, додека само ден подоцна ќе излезат на терен со Вардар или Пролет.

На списокот од стандардните ги нема: Иван Галевски, Александар Петковски, Дамјан Митев и Валентин Карасманакис кои имаат обврски кон сениорската репрезентација во квалификациите за Европското првенство.