Швеѓаните направија скандал на ЕП: Четири ракометари лудувале во бар во Малме

17 јануари 2020 - 17:25

Скандал ја потресе ракометната репрезентација на Шведска пред главната фаза на Европското првенство (ЕП), откако медиумите објавија дека четири ракометари пиеле алкохол во еден паб во средата.

Џим Готфридсон, Андреас и Лукас Нилсон, како и Ким Екдал Ду Руиц лудувале во еден локал, па тие четворица ракометари морале да им се извинат на сонародниците во соблекувалната.

„Ова не е прифатливо однесување, но го решивме проблемот во рамки на тимот. Ракометарите се извинија на останатите. И ние сакаме да се извиниме на нашите навивачи. Тоа е неприфатливо“, вели генералниот секретар на шведската федерација, Роберт Ведберг.