Најлесна група за ракометарите: Македонија ќе игра во Виена на ЕП 2020!

Ги добивме, сигурно, најлесните противници на хартија. Носителот е Чешка, убедливо најповолен, ако се знае дека опции беа Шпанија, Хрватска, Франција, Шведска.... Одапред беше познато дека во групата Б игра Австрија, така што повторно ќе играме против домаќините, како и на ЕП 2016 и на ЕП 2014. Од садот со аутсајдери ја добивме Украина, избегнувајќи „мини“ како Русија или Србија.

Интересна е групата А, во која се Хрватска, Србија и Црна Гора, како и групата Е, во која се Данска, Унгарија, Исланд и Русија.

ЕП 2020 почнува на 9 јануари, а ќе се одржува во Австрија, Шведска и Норвешка. Ова е првото ЕП со 24 репрезентации, оттука, променет е и форматот на играње, па само првите две екипи од секоја група ќе продолжат во втората фаза.

ГРУПА А (Грац): Хрватска, Белорусија, Црна Гора, Србија

ГРУПА Б (Виена): Чешка, МАКЕДОНИЈА, Австрија, Украина

ГРУПА Ц (Трондхајм): Шпанија, Германија, Летонија, Холандија

ГРУПА Д (Трондхајм): Франција, Норвешка, Португалија, БиХ.

ГРУПА Е (Малме): Данска, Унгарија, Исланд, Русија

ГРУПА ЕФ (Гетеборг): Шведска, Словенија, Швајцарија, Полска