Костески и Серафимов ја предводат листата со стрелци по групната фаза на Мундијалот

13 август 2019 - 14:14

Македонската ракометна репрезентација до 19 години се пласираше на четврто место во групната фаза на Светското првенсто, па во осминафиналето ќе се соочи против Португалија, а по групната фаза може да се пофали дека ги има најдобрите стрелци.

Ненад Костески и Мартин Серафимов ја предводат листата со стрелеци по завршување на групната фаза. Костески е првопласиран со 40 погодоци, додека Серафимов постигна 37 гола.

Веднаш по нив е Фарук Јусуф од нигериската репрезентација, кој има постигнато 36 гола по пет одиграни натпревари.