„Холандија има искусна репрезентација и ги искористи нашите грешки“

17 јануари 2025 - 20:37

Македонската ракометна репрезентација загуби од Холандија со 32-37 во вториот натпревар од Светското првенство (СП), иако храбро се бореа на теренот до самиот крај.

Игор Ѓорѓиев посочи дека одиграле добар натпревар против Холандија, меѓутоа ривалот знаел како да ги искористи нивните грешки.

„Најпрво да им честитам на моите соиграчи за борбата во текот на целиот меч. Игравме против поинаква селекција од таа на Унгарија. Холандија има искусна репрезентација, ние направивме грешки и тие знаеја како да го искористат. Ни останува да ги исчистиме главите и да се подготвиме за Гвинеја“, кажа Ѓорѓиев.

Македонија последниот меч од првата фаза на СП го игра против Гвинеја в недела од 18 часот.