Променет распоредот на Македонија на ЕП - почнуваме против најтешките ривали!

16 мај 2025 - 15:02

Европската ракометна федерација (ЕХФ) го промени распоредот на натпревари на Македонија на Европското првенство (ЕП) кое се игра на почетокот на 2026 година.

Македонија ќе го почне шампионатот против еден од домаќините, Данска во Хернинг на 16 јануари, а потоа ќе се соочи против Португалија, иако најпрво беше предвидено нашите ракометари да играат против Романија.

Мечот меѓу Македонија и Португалија е закажан за 18 јануари, додека два дена подоцна се игра пресметката против Романија.

Пласман во втората фаза на ЕП 2026 ќе обезбедат само двете најдобри репрезентации од секоја група.