Александар Стефанов е нов претседател на РФМ

01 март 2025 - 13:13

На денешното Собрание на Ракометната федерација на Македонија (РФМ) за нов претседател беше избран Александар Стефанов и ќе го наследи Живко Мукаетов.

Мукаетов заминува како најуспешен претседател во историјата на РФМ, а Стефанов ќе добие задача да го продолжи неговиот успех и да донесе уште подобри времиња за македонскиот ракомет.

Стефанов беше избран за нов претседател едногласно со поддршка на сите делегати на изборното Собрание кое се одржа во Скопје.