Голманката на Македонија прави сензационален трансфер во – Црвена Звезда!

Актуелниот шампион на Србија активно го засилува составот во пресрет на новата сезона, со јасна амбиција да ја задржи доминацијата на домашната сцена, но и да избори место во групната фаза на ЕХФ Европска лига. За Мицевска ова ќе биде враќање на ракометните терени по неколкумесечна пауза. Таа пролетва стана мајка, а сега е подготвена за нов предизвик во кариерата токму во дресот на белградскиот великан. Скопјанката претходно бранеше за Вардар, потоа за Ница, а последен ангажман имаше во романска Слатина.

До заминувањето на пауза, Мицевска беше стандарден член на македонската репрезентација и настапи на две европски првенства – во 2022 и во 2024 година, а има вкупно 22 настапи во жолто-црвениот дрес.