Валах блесна против Бенфика, има една од одбраните на колото (ВИДЕО)

04 март 2026 - 13:55

Ракометарите на Вардар во вчерашниот натпревар во Скопје остварија важна победа над Бенфика со која го обезбедија пласманот во четвртфиналето од Европската лига, еден од најзаслужните беше и голманот Милош Валах.

Валах во триумфот од 33-27 свој придонес даде со шест одбранети удари, а еден од нив беше вистински зицер, па сосема заслужено се најде помеѓу најдобрите одбрани на колото.

Вардарци по вчерашниот триумф имаат шанси и за директно место во четвртфиналето, меѓутоа тоа зависи од исходот на дуелот против Мелсунген во Германија.