Вецлар конечно победи, Кузмановски постигна еден гол против Гепинген

17 септември 2023 - 18:21

Ракометарите на Вецлар го запишаа првиот триумф во германската Бундеслига, откако денеска беа подобри со 29-24 против Гепинген во петтото коло од домашното првенство.

Првото полувреме беше неизвесно од самиот почеток, а најчесто водството му припаѓаше на Гепинген, меѓутоа во завршницата Вецлар со три гола по ред стигна до 12-11.

Вецлар отвори со серија од 3-0 во вториот дел и ја најави победата против големиот ривал, а предноста во еден момент на домаќините достигна и седум гола (25-18). Сепак, на крајот екипата на Филип Кузмановски славеше со 29-24.

Кузмановски постигна само еден гол за Вецлар, кој по пет одиграни меча се наоѓа на претпоследната позиција со два бода.